 |
||||||||
| ||||||||
(#1 (permalink))
|
|
Administrator
 
Messages: 219
Date d'inscription: octobre 2008
Pouvoir de réputation: 10
|
العالم الفلكي يأتيكم بأبراج هاد الصيمانة -
03/03/2009, 15h06
برج الحمل (البعلوك) مهنيا الوقت عندك ميتة هاد الصيمنة بدا الحرفة.عندك مواهب ديال لغميق. تقدر تخدم سمسار من داك الشي. صحيا عندك فقر الدم فالدات ديالك. عاطفيا بحال إلى مسحور ولا مخطي شي حاجة.رقم الحظ خمسة فعينين العدو ............................. برج الثور (العجل) مهنيا غدي تبدل الخدمة بوحدة كرف منها. نصيحة ليك هيا لصق فيهم.واياك تبدل الخدمة. صحيا دير موت حمارة.وشرب الحنة باش تخرج المعدة ديالك فالتصاور كحلة.عاطفيا غادي تلبسك واحد الولية.ما تخافش.غادي تسوسها قبل ما تلبسك. رقم الحظ خمسة .ديال الصباح ......................... برج الجوزاء (فطوكوبي) مهنيا صحاب هاد البرج غادي تكون عندهم الخدمة بزاف هاد الصيمنة. طبيعي. الصيمانة اللي فاتت ماخدموش.دارو سيرتيفيكا مالاضي. صحيا بحال الثيران.شكون بحالهم.صيمانة ديال النعاس مخلصة .عاطفيا.غادي يتمحنو.حيت رباو الكبدة على السداري.والفراق صعيب.رقم الحظ مباينش مزيان ....................... برج السرطان (بوجنيبة) مهنيا غادي تجيكم فالخدمة مديرة جديدة وقبيحة. اللي خدمتو على قد الحال غير يشد كونجي. واللي معندوش الحق فالكونجي غير يمرض. صحيا راك حاليا مزيان.ولكن مع المديرة الجديدة يقدر يعود عندك السكر.عاطفيا شوف مع المديرة. راه مامجوجاش وباغيا تكمل دينها.المشكلة أنك نتا باقي مبديتيش دينك باش تكملو.رقم الحظ ليلة سبعة وعشرين ........................ برج الأسد (بو البطاين) مهنيا تكايس على راسك.واش الشركة وارثتها على باك. اللي قدرتي عليها ديرها واللي ما قدرتيش عليها خليها. ولكن ماشي تسمع خليها تخلي كلشي عاوتاني. صحيا خصك تبدل لاصال اللي كاتعمل فيها كمال اللأجسام. حيت الماكينة ديال الكتاف عندهم عوجا وغادي تبقا تابعها حتى غادي تعوج ليك لكتاف.عاطفيا الحل هو تبدل لاصال. حيت حتى وحدة مغادي تقبل تزوج بواحد مشكودر بحالك. .......................... برج العدراء (البايرة) مهنيا نتا راجل نية.وداك الشي علاش كاتدير النية وتنعس مع الحية.غير هو إلا باقي تنعس فالخدمة راهم يطردوك. صحيا سير دير التحاليل وشوف واش فايتة قارصاك دبانة التسي تسي. عاطفيا هاديك الحية اللي كاتنعس معاها شي نهار غاديا تقرصك.بقا حال فمك ....................... برج الميزان (الصروفة) مهنيا عندك سبع صنايع والرزق ضايع.دير حاجة وحدة أصاحبي وتهنا.صحيا غادي تظهر عليك ابتداء من هاد الصيمانة أعراض الشيخوخة المبكرة.نقص من الشيخات نهار السبت فالسعرة ديال دوزيم.وعنداك تصحح السعرة ويسحاب ليك بغيت ندير السهرة وغلطت.خلي السعرة فبلاصتها. عاطفيا كلشي مزيان.حادة دارتك بين عينيها.مشيتي كفتة ..................... برج العقرب (المسيميمة) مهنيا مكاينة خدمة.ولفتي النعاس حتى لنص النهار ولكن قبل ما تسالي الصيمانة غادي تجيك واحد الخدمة.غادي تبدل النعسة من سداري لسداري.صحيا محتاج شوية الرياضة حيت جنابك طابو بالنعاس.عاطفيا مكاين والو.غير خوي راسك من ديك السيدة اللي مواعداك باش تصاوب ليك الوراق وتديك معاها لسويد.راه مكاين لا سويد لا نرويج.راه غير كدوب السيدة راها ساكنة غير فالدرب اللي موراكم ................. برج القوس (التقويسة) مهنيا غادي تجيك هاد الصيمانة واحد التفتيشية من ادارة الضرائب. وواحد اللجنة من صندوق الضمان الإجتماعي.ويقدر يدوز عندك شي مفتش ديال الشغل.صحيا إلى بقيتي واقف على رجليك حمد الله. عاطفيا غادي تخاصم مع المرا حيت غادي ترجع للدار مخصر .......................... برج الجدي (المعزة) مهنيا الله كريم. خدمو حتى الدكاترة بقا عاد نتا.صحيا عندك القلدة ديال بناي.ولكن فنيان وما فيك ما يضرب تمارة.عاطفيا ماكرهتيش شي أستادة ولا ممرضة تزوج بيها وتخدم عليك يا المتروف. نوض الله يمسخك ........................ برج الدلو (السطل) مهنيا كلكم صحاب هاد البرج غادي يطلع ليكم الجوكير فالخدمة هاد الصيمانة.المدير غادي يسافر للخاريج.ونتوما غادي ديرو مابغيتو. إلى رجع المدير ولقا الشركة ديالو باقيا واقفة على رجليها خصو يخرج صدقة.صحيا طالع ليكم المورال. عاطفيا ماعندكومش الكبدة على الخدمة ................... برج الحوت (الروكان) مهنيا غير بيع الأسهم ديالك فالبورصة ديال الدار البيضاء.هادي هي الفرصة. كلشي هابط بيع قبل ما يوحلو ليك فعنقك.عاطفيا عندك ضعف الشخصية.داك الشي علاش الأسهم ديالك ديما نازلة صحيا. عندك ضعف الشهية. كول الحلبة على الريق. والى خفتي تخنز عباد الله بريحة الحلبة فالخدمة رش على راسك قرعة ديال الريحة فالصباح قبل ما تخرج |
|
|
|
 |
| Liens sociaux |
| Outils de la discussion | |
| Modes d'affichage | |
Mode linéaire
|
|
Nos Partenaires: Namroud
Maghrebist.com Copyright ©2008-2009Maghrebist.com n'est pas un site warez. Seuls les membres sont responsables du contenu déposé.
